Vërtetimi i dënimit, gjithashtu, tregon kur është dënuar një person dhe sa vite dënim ka kryer në sistemin penitenciar.
Dokumentacioni i nevojshëm
-Për pajisjen me Dëshmi Penaliteti, qytetari aplikon përmes Postës Shqiptare me anë të një formulari, ku deklaron të dhënat e kartës së identitetit.
-Vërtetimi i dënimit është i lejuar të merret vetëm nga familjarë të ish- të dënuarve, të provuar përmes një dokumenti identifikues të personit që ka qenë i dënuar dhe një kërkesë drejtuar drejtorit të Përgjithshëm, ku bëhet i qartë motivacioni për pajisjen me këtë vërtetim. Për këtë dokument, qytetari aplikon përmes Postës Shqiptare ose drejtpërdrejt në zyrat tona.
Hapat e procedurës
-Dëshmia e Penalitetit realizohet nga Sektori i Gjendjes Gjyqësore pranë Drejtorisë së Përgjithshme të Burgjeve (DPBSH), duke iu referuar të dhënave të Regjistrit Elektronik të Gjendjes Gjyqësore. Kërkesat e qytetarëve vijnë përmes Postës Shqiptare, por një pjesë e kërkesave vijnë edhe nga gjykatat, ambasadat etj. Deshmitë printohen dhe vendosen në zarfe specifike, për t'u dërguar më pas në Postë.
-Vërtetimi i dënimit realizohet nga Kartoteka e DPBSH-së, e cila disponon regjistrat me listat përkatëse të personave të dënuar apo ish- të denuar. Ky dokument lëshohet vetëm me firmën e Drejtorit të Përgjithshëm.
Koha e nevojshme për marrjen e shërbimit
-Dëshmia e Penalitetit merret nga qytetarët përmes filialit të Postës ku aplikohet, brenda një afati 2- 4 javor.
-Vërtetimi i Dënimit mund të merret brenda një afati 3 ditor, përmes Postës ose në zyrat e DPBSH-së.
Periudha e vlefshmërisë
Dëshmitë e Penalitetit kanë një afat vlefshmërie deri në 3 muaj. Vërtetimi i dënimit është i vlefshëm gjithmonë, pa afat.
Kostot
Për t'u pajisur me Dëshmi Penaliteti qytetari kryen në postë pagesën prej 420 lekë (të rinj). Për t'u pajisur me vërtetim dënimi, qytetari nuk kryen asnjë pagesë.
Commenti
Posta un commento